Back To Top

 കഅ്ബാ പ്രവേശനം സുന്നത്ത്

കഅ്ബാ പ്രവേശനം സുന്നത്ത്

Spread the love

ബുഖാരിയും മുസ്ലിമും ഇബ്നുഉമറിൽ നിന്നുദ്ധരിക്കുന്നു. റസൂൽ തിരുമേനിയും ഉസാമതുബ്നു സൈദും ഉസ്മാനുബ്നു ത്വൽഹയും കഅ്ബയിൽ പ്രവേശിച്ചു വാതിൽ അടച്ചു. അവർ പിന്നീടത് തുറന്നപ്പോൾ ബിലാൽ എന്നോടു പറഞ്ഞു: “റസൂൽ(സ) കഅ്ബയുടെ അകത്ത് വലത് ഭാഗത്തുള്ള രണ്ട്തൂണുകൾക്കിടയിൽ നമസ്കരിച്ചു.

കഅ്ബയുടെ അകത്ത് പ്രവേശിക്കുന്നതും അവിടെ നിന്ന് നമസ്കരിക്കുന്നതും സുന്നത്താണെന്നതിന് പണ്ഡിതന്മാർ ഈ ഹദീസ് തെളിവാക്കിയിരി ക്കുന്നു.

അവർ പറഞ്ഞു. അത് സുന്നത്താണെങ്കിലും ഹജ്ജിന്റെ കർമത്തിൽ പെട്ടതല്ല. കാരണം, ഇബ്നു അബ്ബാസ് പറഞ്ഞിരിക്കുന്നു: “നിങ്ങൾ കഅ്ബയിൽ പ്രവേശിക്കുന്നത് നിങ്ങളുടെ ഹജ്ജുമായി ഒട്ടും ബന്ധപ്പെട്ടതല്ല.” (ഹാകിം)

കഅ്ബയിൽ പ്രവേശിക്കാൻ സാധിക്കാത്തവർക്ക് ഹിജ്റ് ഇസ്മാഈലിൽ പ്രവേശിച്ചു അവിടെവെച്ച് നമസ്കരിക്കുന്നത് സുന്നത്താണ്. കാരണം, അതിന്റെ ഒരു ഭാഗം കഅ്ബയിൽ പെട്ടതാണല്ലോ.

അഹ്മദ് ആഇശയിൽ നിന്നുദ്ധരിക്കുന്നു. അവർ പറഞ്ഞു: “അല്ലാഹുവിന്റെ റസൂലേ, ഞാനൊഴികെ അങ്ങയുടെ എല്ലാ പത്നിമാരും കഅ്ബയിൽ പ്രവേശിച്ചിട്ടുണ്ട്. തിരുമേനി പറഞ്ഞു: “ശൈബയുടെ അടുത്തേക്ക് പറഞ്ഞയക്കുക. അദ്ദേഹം നിനക്ക് വാതിൽ തുറന്നുതരും. അങ്ങനെ അവർ അദ്ദേഹത്തിന്റെ അടുത്തേക്ക് പറഞ്ഞയച്ചു. പക്ഷേ, ശൈബ പറഞ്ഞു: ജാഹിലിയ്യത്തിലും ഇസ്ലാമിലും അത് രാത്രി തുറക്കാൻ ഞങ്ങൾക്ക് സാധിച്ചിട്ടില്ല. തിരുമേനി പറഞ്ഞു: “നീ ഹിജ്റിൽ നമസ്കരിച്ചുകൊള്ളുക. നിന്റെ ജനത കഅ്ബ പുനർനിർമിച്ചപ്പോൾ അതിന്റെ ഒരു ഭാഗം (ഹിജ്ർ) ഒഴിവാക്കുകയാണ് ചെയ്തത്.

📲 വാട്‌സാപ് ഗ്രൂപ്പിൽ അംഗമാകാൻ👉: https://chat.whatsapp.com/CtdeYjAfwas90JeGabX9H0

Prev Post

മുൽതസിമിൽ പ്രാർത്ഥന

Next Post

സ്വഫാ മർവകൾക്കിടയിൽ ഓട്ടം (സഅ് യ് )

post-bars

Leave a Comment

Related post

You cannot copy content of this page