യമൻ ദേശത്തെ അഭിമുഖീകരിക്കുന്നതിനാൽ കഅ്ബയുടെ ഈ കോണിനെ റുക്നുൽ യമാനി എന്നാണ് വിളിക്കുന്നത്. ഹജറുൽ അസ് വദിന്റെ എതിർവശത്താണിതുള്ളത്.

. ഇബ്രാഹിം നബി (عليه السلام) നിർമ്മിച്ച അടിത്തറയിലാണ് ഈ മൂല ഇപ്പോഴും നിൽക്കുന്നത്, അബ്ദുല്ലാഹി ബിൻ അബ്ബാസ് (رضي الله عنه) യുടെ ഒരു നിവേദനത്തിൽ നബി (ﷺ) അതിനെ ഇസ്തിലാം ആക്കിയതായി പറയുന്നുണ്ട്.

. ഇത് കൈകൊണ്ട് തൊട്ട്മുത്തുന്നതിനെയാണ് ‘ഇസ്തിലാം’ എന്ന് പറയുന്നത്. നബി(സ) റുക്നുൽ യമാനിയെ കൈകൊണ്ട് സ്പർശിച്ച് മുത്തിയിരുന്നു. തിരക്ക് കാരണം ഒരാൾക്ക് അങ്ങനെ ചെയ്യാൻ കഴിഞ്ഞില്ലെങ്കിലും ഒരു കുഴപ്പവുമില്ല.

. റുക്നുൽ യമാനിക്കും ഹജറുൽ അസ്‌വദിനും ഇടയിലൂടെ കടന്നുപോകുമ്പോൾ പ്രവാചകൻ (ﷺ) ഇനിപ്പറയുന്ന ദുആയാണ് നടത്തിയത് : “ഞങ്ങളുടെ നാഥാ! ഞങ്ങള്‍ക്കു നീ ഈ ലോകത്ത് നന്മ നല്‍കേണമേ, പരലോകത്തും നന്മ നല്‍കേണമേ, നരകശിക്ഷയില്‍ നിന്ന് ഞങ്ങളെ നീ രക്ഷിക്കേണമേ.” [2 : 201]